(Видео) Стефанов: Над 40% од капацитетот за преработка на горива во Русија не функционира

Украинските напади со дронови врз руската нафтопреработувачка инфраструктура доведуваат до сериозни тешкотии со снабдувањето со горива во Русија. Ова во емисијата Euronews Primetime го изјави новинарот Чавдар Стефанов.

Според него, на одредени места доаѓа до тензии и конфликти на бензинските станици, вклучително и ограничувања за точење гориво на Крим, а причината е ранливоста на застарениот рафинериски систем и недостигот од доволни резерви.

Стефанов објасни дека околу 42% од капацитетот за преработка на горива во Русија во моментов не функционира, што веќе се одразува врз транспортот, земјоделството и логистиката во земјата.

Тој посочи дека иако властите во Москва тврдат дека горивата се обезбедени, реалните последици вклучуваат растечка инфлација и тензии во општеството.

Според него, војната во Украина сè појасно се пренесува врз внатрешната ситуација во Русија, продлабочувајќи ги економските и политичките проблеми.