Во Босилеград ќе се оддаде почит на петмина бугарски офицери убиени на 28 јуни 1913 година
Културно-информативниот центар „Босилеград“ и Здружението „ГЛАС“ на 28 јуни (петок) во 11:00 часот по локално време ќе оддадат почит и ќе положат цвеќе на спомен-плочите на петмина бугарски офицери, кои биле заробени и стрелани на истиот датум во 1913 година. Комеморацијата ќе се одржи на гробиштата во Босилеград. Ова преку социјалната мрежа Facebook го соопшти Иван Николов, претседател на КИЦ „Босилеград“.
Станува збор за петмината бугарски офицери: полковник Иларион Танев, поручник Станислав Стефанов, поручник Асен Минков Костадинов, потпоручник Контев и вахмистeрот Христо Владов.
Настанот е дел од напорите на КИЦ „Босилеград“ и Здружението „ГЛАС“ за зачувување на историската меморија и за оддавање достојна почит на жртвите од трагичните настани на почетокот на XX век.
