ВО ТУРЦИЈА УАПСЕН ГРАДОНАЧАЛНИК ОД ПРОКУРДСКА ПАРТИЈА
Турските власти го уапсија градоначалникот на Сур од прокурдската Народна демократска партија (ХДП) под сомнение за поврзаност со курдските екстремисти, пренесува Лидер.
Заедно со градоначалникот, Филис Булутекин, се уапсени и двајца членови на општинскиот совет.
Агенцијата Анадолија објави дека против Булутекин се води истрага поради обвинение за терористичка пропаганда.
Турскиот претседател Реџеп Тајип Ердоган и турската Влада ја обвинуваат ХДП за поврзаност со Курдистанската работничка партија, која е забранета во Турција, што тие го негираат.
Анкара назначи вршители на должност во 31 општина каде што ПДП победи на изборите во март, а 23 од нивните градоначалници се во притвор во очекување на судењето.
ХДП управува со многу градови во југоисточна Турција и обично назначува маж и жена градоначалник за промовирање на родовата еднаквост.
