Втор ден собраниска комисиска расправа за Предлог-буџетот за 2023 година

/

Собраниската Комисија за финансирање и буџет денеска треба да ја продолжи расправата за Предлог-буџетот за 2023 година. Комисијата ја почна дебатата завчера, а денеска е втор од предвидените 10 дена за расправа.

Во Предлог-буџетот за следната година растот е проектиран на 2,9 отсто, а инфлацијата на 7,1 отсто.

Вкупните приходи се планирани на ниво од 282 милијарди денари и се повисоки за 14,8 проценти во однос на 2022 година, а расходите на ниво од 324,8 милијарди денари или се за 12,6 проценти повисоки во однос на 2022 година. Буџетскиот дефицит е на ниво од 4,6 проценти од планираниот БДП. За капитални расходи, пак, се планирани 48,9 милијарди денари или за околу 52,3 отсто повисоко во однос на планот за 2022 година.

Поднесени се 263 амандмани од сите политички партии од кои околу 200 се од ВМРО-ДПМНЕ, од каде оценија дека власта предложила неразвоен, нереален и инфлаторен буџет. Според Владата, пак, со Предлог буџетот се обезбедени пари за справување со последиците од енергетската криза и зголемената инфлација и редовно ќе се подмируваат сите обврски на државата, а ќе се поддржат реформите и евроинтегративните процеси на земјата.



Извор: makpress.mk



Претходна статија

Што не чека во 2023 година: Сè ќе продолжи да се врти околу зголемувањето на каматните стапки и инфлацијата

Следна статија

Шилегов до Арсовска: „Купуваш ден, но не решаваш проблем – оди си“

Најново од Вести