14 автори ја претставуваат Бугарија на „Букфест“ во Букурешт

Бугарија е почесен гостин на Меѓународниот саем на книгата „Букфест“ (Bookfest), кој ќе се одржи во Букурешт од 3 до 7 јуни. Делегација од 14 писатели, поети и автори на книги за деца, кои претставуваат едни од најважните гласови на современата бугарска литература, се очекува да пристигне за настанот, пренесува БНР. Публиката ќе може да се сретне со нив како на настаните организирани во најголемиот изложбен центар во градот – Ромекспо, така и на серија средби-разговори, претставувања и читања што ќе се одржат во книжарници и други културни простори во романската престолнина.

Меѓу најочекуваните средби е онаа со Георги Господинов, кој се смета за еден од најважните современи европски автори. Своето творештво ќе го претстави и Јоанна Елми, која се смета за еден од најсилните и најперспективни гласови на современата бугарска литература, писателка која денес го дели својот живот меѓу Софија и САД, Елена Алексиева, Пења Кокудева, еден од најсаканите и најнаградувани гласови во современата бугарска литература за деца, новинарка и неуморна патничка, и многу други.

На бугарскиот штанд, реализиран со поддршка на Министерството за култура на Бугарија и организиран од Асоцијацијата „Бугарска книга“ (АБК), посетителите ќе најдат разновидни книги на бугарски јазик, како и романски изданија на познати бугарски книги.