Бугарин е стратешки консултант на Саемот за современа уметност во Виена

Стефан Стојанов има долга кариера како уметнички менаџер и советник во светот на современата уметност. Од почетокот на годината тој е стратешки консултант на Виенскиот саем за современа уметност, кој се смета за прозорец кон Централна и Источна Европа. Годинава на саемот беа претставени 61 галерија од 20 земји и повеќе од 150 уметници, јавува БНР.

„Колекционери, куратори од многу различни земји го посетуваат овој саем за да добијат идеи, контакти за збогатување на личните и музејските збирки – вели Стефан Стојанов – Мојата идеја е дека не треба да имаме тесен фокус во светот кој прилично брзо се развива и треба да погледнеме галерии од други земји. На пример Турција која има голема уметничка индустрија беше тотално заборавена, но следната година ќе има повеќе галерии на саемот.Планирам да работам и со одредени бугарски галерии за да можат да се појават на светската сцена“.

Според Стефан Стојанов, добро е луѓето да се плашат од познатото и да гледаат кон непознатото во уметноста.

„Ако бидеме целосно искрени, многу мал процент од авторите во светот можат да си дозволат да се издржуваат само во својата работа, што е реткост во Њујорк и каде било. Затоа, создавам место за запознавање. Се обидувам да продавам, но ова не е главниот фокус на мојот живот. Ме интересира уметноста и развојот на авторите. Бугарските автори стојат уникатно на светската сцена.”