За родољубивата дејност на Ахмет Бала и бугарската заедница во Албанија

Кога ќе тргнете од север, од планинските предели Гора и Голо Брдо и ќе се спуштите до најјугоисточната точка на Албанија, селото Врбник, ќе слушнете бугарски говор. Во некои од овие места, за жал, луѓето не можеа да научат да пишуваат и читаат на книжевен бугарски јазик, поради недостаток на училишта и наставници. Последниве години вредно работиме во оваа насока, за да може што поголем број Бугари да бидат опфатени со обука на книжевен бугарски јазик. Елбасан е еден од градовите каде што бугарските деца имаат среќа да се образуваат на својот мајчин јазик.

Во едно пријатно кафуле, тимот на Радио Бугарија составен од Костандина Бело и Красимир Мартинов се сретна со Ахмет Бала, претседател на друштвото „Бугарите во Албанија“, со седиште во Елбасан. Самиот тој е од селото Шиштавец, Гора. Го завршил локалното средно училиште, а потоа и универзитет во Тирана. Откако работел на различни места низ Албанија и запознал многу Бугари, Бала решил да направи важен чекор:

„Во 2017 година ја напуштив работата и се ангажирав да и помогнам на бугарската заедница во Албанија. Таа е доста голема и видов дека во значителна мера луѓето се неорганизирани и недоволно информирани. Затоа го создадовме здружението „Бугари во Албанија“, изјави Ахмет Бала за Радио Бугарија.

Здружението е основана во 2018 година, првично работејќи во Тирана. Подоцна започнува да работи во Елбасан, каде што живеат и голем број албански државјани со бугарско потекло. Некои од нив дипломирале во Бугарија, а сега предаваат на Универзитетот во Елбасан и сите заедно работат на поддршка на бугарската заедница и спроведување на различни проекти и иницијативи. На пример, со помош на Министерството за образование и наука на Бугарија е формирано бугарското неделно училиште „Зора“. Неговата активност сè уште ги привлекува децата на Бугарите, кои учат да читаат и пишуваат на својот мајчин јазик.

„Потоа отворивме уште едно неделно училиште во Драч – продолжува да ни раскажува Ахмет Бала. – Првата година беше тешко бидејќи наставниците мораа да патуваат од Елбасан. Денеска сме многу поорганизирани, бидејќи обезбедивме наставници на лице место од Драч.Истовремено отворивме уште едно неделно училиште во Либражд во кое учат 20 ученици.Сакаме да отвориме образовни центри во областите Гора и Голо Бурдо. За Гора, нашата намера е да отвориме три училишта и ние моментално работат на обезбедување наставници кои ќе предаваат во нив“.

Сериозни напори се прават и за подобрување на образовниот процес во Борје (едно од селата во областа Гора), каде веќе се извршени делумни поправки и обезбедено е затоплување на училиштето. За жал, животот на бугарското население на овие простори не е лесен, признава Ахмет Бала:

„Заедницата во овие области има многу потреби, имајќи предвид дека се работи за сиромашни подрачја. Патиштата се страшни и многу е тешко да се стигне до селата без возило со голема проодност. Ова ги обесхрабрува луѓето бидејќи немаат нормална транспортна врска до блиските населби, како и со поголемите градови и главниот град Тирана. Болниците во овие области се ужасни, а училиштата имаат потреба од големи поправки. Затоа, исто така, работиме на различни проекти и се обидуваме да помогнеме“.

Ахмет Бала е благодарен за досегашната помош од бугарската држава, но смета дека може да се направи многу повеќе доколку владите на Бугарија и Албанија соработуваат. На овој начин може да се решат основните проблеми како патиштата и лошите услови во здравствените установи и училиштата.

Со доза на горчина, но и со верба во подобра иднина на жителите од бугарските села Гора и Голо Брдо, завршува средбата на Радио Бугарија со Ахмет Бала, претседател на здружението „Бугарите во Албанија“, лоцирано во градот Елбасан.