Рејтинг агенцијата Fitch го потврди долгорочниот кредитен рејтинг на Бугарската банка за развој
Меѓународната рејтинг агенција Fitch го потврди долгорочниот кредитен рејтинг на Бугарската банка за развој – ББР со позитивна перспектива.
Оценката ја одразува можноста за поддршка од бугарската држава, позитивниот финансиски резултат, силната капитална позиција како и зајакнувањето на улогата на институцијата во финансирањето на јавните политики.
Според рејтинг агенцијата досега улогата на ББР како развојна банка била недоволно развиена. Со новоусвоената стратегија за активност на ББР во периодот 2024-2026 година, се очекува банката да ја распореди својата финансиска поддршка за јавниот сектор и приоритетните сектори за националната економија покрај поддршката за малите и средни претпријатија што бележи значителен раст по 2021 година.
Фото: БГНЕС
