Албанија и ЕУ во септември ќе одржат меѓувладина конференција за отворање на последните поглавја
Албанија и Европската унија планираат во септември да одржат меѓувладина конференција, на која ќе бидат отворени последните две групи од преговарачките поглавја за членство, јавува „Албенијан пост“, пренесува БГНЕС.
Оваа средба се смета за клучен чекор во процесот на европска интеграција на земјата. Очекувањата се дека есента ќе биде решавачка за натамошниот напредок на преговорите, со цел Албанија да ја зацврсти својата позиција на патот кон полноправно членство во ЕУ.
