Бургас домаќин на регионална конференција во рамки на ПСЈИЕ

Во периодот од 11 до 12 септември 2025 година, во Бургас се одржа конференција во рамките на претседателството на Софија со Процесот за соработка во Југоисточна Европа (ПСЈИЕ). Настанот ги собра раководителите на националните статистички институти од земјите-кандидати и потенцијални кандидати за членство во Европската Унија, како и претседателите на статистичките институти на земјите-членки на ЕУ од регионот на Југоисточна Европа, јавува МНР на Бугарија.

Состанокот беше организиран од Националниот завод за статистика и неговиот претседател, г-дин Атанас Атанасов, во партнерство со „Евростат“, претставуван од генералната директорка, г-ѓа Маријана Коцева.

Во своето поздравно обраќање, заменик-министерот за надворешни работи на Бугарија Николај Павлов ја истакна заложбата на претседателството на Софија да ја поддржува европската перспектива на сите учесници во ПСЈИЕ. Тој нагласи дека дијалогот, спроведувањето реформи и зајакнувањето на заедничката цел за европска иднина на регионот се од суштинско значење.

Павлов потенцираше дека сигурната и споредлива официјална статистика претставува клучен елемент за креирање на политики и зајакнување на регионалната соработка во согласност со европската визија што ги обединува главните градови од Југоисточна Европа.

Вториот ден од конференцијата, посветен на ПСЈИЕ, ги презентираше приоритетите на претседателството, преку излагањето на Ивајло Јорданов, началник на Одделот за регионална соработка во рамки на Дирекцијата за Југоисточна Европа.