(Видео) Бугарија ќе биде домаќин на стартови во алпско скијање во следните шест години

Банско овој викенд ќе биде домаќин на Светскиот куп во сноуборд, со учество на 127 натпреварувачи од 20 земји. Натпреварите се клучни за освојување квоти за Олимписките игри Милано/Кортина, јавува БГНЕС.

„Пред нас е можеби најголемото натпреварување – Светскиот куп во сноуборд. Сите најголеми ѕвезди ќе бидат тука, бидејќи ова е последен старт за олимписки квоти. Бугарија ќе настапи со шест мажи и шест жени, предводени од Радо Јанков, Тервел и Малена Замфирова“, изјави претседателот на БФ Ски, Цеко Минев.

Тој изрази надеж за подиум и потсети дека Јанков неодамна за малку не се искачил на подиум во Швајцарија: „Работите одат во вистинска насока“.

Градоначалникот на Банско, Стојчо Баненски, истакна дека градот е целосно подготвен: „Светските купови имаат долгорочен позитивен ефект врз имиџот на Банско. Очекуваме натпреварувачите да го дадат најдоброто од себе“.

Генералниот секретар на БФ Ски, Георги Бобев, потврди дека организацијата тече според планот и дека натпреварите ќе се пренесуваат во повеќе од 20 телевизии. „По Банско, на 19 јануари излегува последната олимписка ранг-листа, а на 21–22 јануари ќе биде јасно кој ги добива квотите“, прецизира тој.

Директорот Виктор Гичев потврди дека викендот ќе се возат паралелни велеслаломи: „Сè оди според планот. Патеката е подготвена и условите ќе бидат рамноправни за сите“.

Минев додаде дека Бугарија има гарантирани стартови од Светски куп во алпско скијање во следните години, како и дека надежта е за најмалку уште една олимписка квота: „Александар Кръшњак е многу близу. Шансите се големи“.

Натпреварите во Банско ќе бидат решавачки чекор за бугарските сноубордисти во борбата за место на Олимпијадата во Милано/Кортина.