Бугарско-српскиот центар во Врање со иницијатива за побратимување со градот Ќустендил во Бугарија

Бугарско-српскиот центар во Врање доставил до Општинскиот совет на српскиот град „Иницијатива за воспоставување соработка и побратимување меѓу Врање и Ќустендил“, јавува Радио Бугарија.

„Благодарение на долгогодишната соработка со амбасадата на Бугарија во Белград и Генералниот конзулат на Бугарија во Ниш, како и на соработката со раководството на град Врање, ја започнавме оваа иницијатива, поаѓајќи од културната поврзаност на населението во пограничните региони Врање – Ќустендил, значењето на добрососедските односи меѓу Србија и Бугарија и потребата од зајакнување на меѓукултурниот дијалог и прекуграничните проекти од заемен интерес“, изјави по тој повод претседателот на центарот во Врање, Дарко Аначков.

Целта на иницијативата е да го подобри прекуграничната соработка и да стимулира заеднички проекти по европски програми. Воспоставувањето партнерства меѓу училишта, културни институции, уметнички организации и спортски клубови е уште една можност за соработка од заемен интерес, економска и туристичка соработка, поврзување на економските субјекти од Врање и Ќустендил, пишува во предлогот, цитиран од изданието „Гласпрес“.

„Очекуваме во блиска иднина иницијативата да биде разгледана од Општинскиот совет на град Врање, со надеж за позитивен резултат кој ќе доведе до официјално побратимување меѓу двете општини“, вели во заклучок Дарко Аначков.