Најдобрата бугарска сноубордерка Малена Замфирова се опоравува по тешката несреќа, цел – враќање во Светскиот куп

Најдобрата бугарска сноубордерка Малена Замфирова се врати во Бугарија и е во активна фаза на рехабилитација по тешкиот инцидент на почетокот на март, кога беше удрена од скијач во Шпиндлерув Млин. Таа беше оперирана неколкупати во клиника во Грац, јавува БГНЕС.

И покрај сериозните повреди на бутот, карлицата и рамото, нејзината состојба се подобрува. Веќе се движи самостојно и качува скали со помош на патерици.

Рехабилитацијата ја води тим физиотерапевти предводен од Михаил Ненов и се очекува да трае неколку месеци, со цел постепено враќање на тренинзите.

Амбицијата на тимот е учество на старт од Светскиот куп во Кортина д’Ампецо во декември.

„Им благодариме на сите Бугари за големата поддршка и сочувство во овој тежок период“, соопшти семејството на Замфирова.