Нејнски: Македонските политичари го губат времето на сопствениот народ

Поранешната министерка за надворешни работи на Бугарија Надежда Нејнски изјави дека македонските политичари го губат времето на сопствениот народ во процесот на евроинтеграција, пренесува БГНЕС.

„Народот на РС Македонија се стреми да стане дел од ЕУ, а всушност политичките игри на елитата му го одземаат времето“, рече таа.

Нејнски нагласи дека Бугарија има интерес Северна Македонија да стане членка на ЕУ, но само со исполнување на условите за заштита на правата на бугарската заедница во земјата.

Во однос на застојот во евроинтеграцијата на РС Македонија, таа истакна дека „на крајот секоја држава одлучува сама за себе“ и потсети дека односите на Северна Македонија веќе не се со Бугарија, туку со ЕУ, каде што земјата е кандидат за членство.