Пет победи за шахистките од Бугарија во второто коло на Европското првенство во Батуми
Бугарските шахистки запишаа пет победи, едно реми и еден пораз во второто коло на Европското индивидуално првенство во шах за жени во Батуми, Грузија, јавува БНР.
Најуспешна засега е Габриела Антова, која ја оствари и втората победа и со максимални 2 поени е меѓу водечките шахистки на табелата. Белослава Крстева ремизираше против Адара Родригес и има 1,5 поени.
Со по 1,5 поени се и Нурѓул Салимова, Надја Тончева и Викторија Радева, кои победија во своите партии. Прва победа на турнирот запиша и Гергана Пејчева.
Единствениот пораз за бугарскиот тим го претрпе 16-годишната Анџелика Ненова, која по два круга има 0,5 поени.
Во среда ќе се игра третото коло од вкупно 11 на шампионатот.
