150 деца од Бугарија ќе учествуваат во вселенскиот камп Space Camp во Измир

Вкупно 150 деца од Бугарија на возраст од 11 до 15 години се подготвуваат да заминат во меѓународниот вселенски центар Space Camp во Измир, Турција, каде што ова лето ќе поминат низ интензивни научно-технолошки обуки што ја симулираат реалната подготовка на астронаутите, јавува БНР. Центарот за креативно учење во Бугарија е официјален партнер на Space Camp од 2003 година.

Во натпреварот за учество се вклучија повеќе од 300 деца од целата земја. Кандидатите испратија свои авторски есеи, по што поминаа низ детални интервјуа. Десет ученици добиваат целосни стипендии, 10 – со 75% поддршка, 22 – со 50% финансирање, а 43 кандидати добиваат делумни стипендии.

За време на обуката тие ќе се натпреваруваат за медали со свои врсници од целиот свет.