Се одржа првиот состанок на комитетот што одговара за организацијата на „Евровизија 2027“ во Бугарија

Во седиштето на бугарската влада се одржа првиот состанок на Организацискиот комитет за подготовка и одржување на „Евровизија 2027“, чиј домаќин ќе биде Бугарија, јавува БНТ. Состанокот го предводеше вицепремиерот Иво Христов, а присуствуваа претставници на повеќе министерства и генералната директорка на Бугарската национална телевизија Милена Милотинова.

Христов истакна дека успешната организација на натпреварот бара тесна координација меѓу државните институции и јавните медиуми. Тој ги информираше членовите на комитетот и за средбата со директорот на „Евровизија“, Мартин Грин, на која биле разгледани клучните барања и очекувања кон Бугарија како домаќин во 2027 година.

Учесниците ги утврдија главните приоритети за наредните месеци, меѓу кои логистиката, безбедноста, инфраструктурата, меѓународната координација, туристичката промоција на Бугарија и културната програма поврзана со настанот.