Бугарскиот премиер Радев ги поздрави питомците на Военото воздухопловно училиште во Плевен
Бугарскиот премиер Румен Радев присуствуваше на свечената церемонија во Плевен за доделување прв офицерски чин и дипломи на питомците од 75-та генерација „Априлски – 2026“ на Високото воено воздухопловно училиште „Георги Бенковски“, јавува БТА.
На церемонијата присуствуваше и министерот за одбрана Димитар Стојанов, а началникот на училиштето, бригадниот генерал Јулијан Радојски, им се обрати на дипломците. Радев ја награди најдобрата питомка на генерацијата Сијана Јанкова. Годинава ВВВУ „Георги Бенковски“ и Професионалниот подофицерски колеџ имаат вкупно 116 дипломци. Од нив, 64 кадети од единиците на Военото воздухопловство завршуваат обука за стекнување професионална квалификација „подофицер“.
По церемонијата Радев ќе учествува на свечено откривање барелјефи на Цветан Лазаров и Асен Јорданов во Издвоениот комплекс за воздухопловно образование во Плевен.
