Речиси 190 кандидати за додипломски студии на филијалата на Русенскиот универзитет во Тараклија

Вкупно 189 кандидати поднеле документи за додипломски студии на филијалата на Русенскиот универзитет „Ангел К’нчев“ во Тараклија, Молдавија, за академската 2026/2027 година, соопшти високообразовната установа, пренесува Радио Бугарија.

Најголем интерес има за насоките „Бизнис и менаџмент“, со 57 кандидати, и „Земјоделска и автотранспортна техника“, со 45. Следуваат „Компјутерски науки“ со 21 кандидат, две педагошки насоки со по 18, „Педагогија на наставата по музика“ со 16 и „Бугарски јазик и историја“ со 14 кандидати.

Меѓу пријавените има и седум кандидати од Украина. За двете магистерски програми се пријавиле 30 лица, а тројца кандидати избрале докторски студии.

Документите во моментов се проверуваат и обработуваат. Кандидатите кои сè уште не го полагале тестот по бугарски јазик ќе можат да го направат тоа на 1 септември од 13:00 часот во филијалата во Тараклија.

Свеченото отворање на новата академска година ќе се одржи истиот ден во 11:00 часот. Ова ќе биде втора академска година по преобразувањето на високообразовната установа во филијала на Русенскиот универзитет.