Во Сандански почна 34-то издание на фестивалот „Пирин фолк“

Триесет и четвртото издание на фестивалот „Пирин фолк“ почна на 28 август во Летниот театар во Сандански и ќе трае до 30 август, со три тематски вечери посветени на деца, млади таленти и афирмирани изведувачи, јавува БТА.

Првата вечер беше посветена на јубилејното, десетто издание на „Детски Пирин фолк“. Во натпреварот настапија 20 изведувачи на возраст од осум до 15 години.

Специјален гост беше Донко Марков, првиот добитник на Големата награда на „Детски Пирин фолк“. Во концертната програма настапија и триото „Булгарина“ и танчарите од ансамблот „Чинари“.

На 29 август ќе се одржи натпреварот за изведувачка уметност, на кој учесниците ќе изведуваат авторски песни од македонската фолклорна област. Гости ќе бидат Марија Чакар’дкова со танчарите од Неврокопскиот ансамбл и пејачката Вили Рај.

Фестивалот ќе заврши на 30 август со натпреварот за авторска песна и со настапи на Теодора и Деси Слава.

„Пирин фолк“ се пренесува во живо на каналите на Бугарската национална телевизија, Фен Фолк ТВ, Фен ТВ и EKids, како и на Бугарското национално радио – Благоевград.