Уметници од Бугарија ќе го претстават Балканот преку слики, зборови и звук во Виена
Литературно-музичката вечер „Балканот – слики, зборови и звуци“, со писателот Илија Тројанов и музичарите Александар и Константин Владигерови, ќе се одржи на 15 октомври од 18:30 часот во Виена, соопшти блогот на Бугарите во Австрија „Меланж Булгарен“, пренесува БТА.
Програмата, заснована врз книгата „Таму каде што Европа завршува и повторно започнува“ од Тројанов и фотографот Кристијан Мурбек, ќе обедини литература, фотографија и музика посветени на културната разноликост на Балканот.
Со браќата Владигерови ќе настапат Јонка Драгоманска – вокал, Димитар Карамитев – кавал и Марија Петрова – тапан. Влезот е бесплатен, а поради ограничениот број места се препорачува претходна регистрација.
