ЉУБЕ БОШКОВСКИ И ЗОРАН ТРАЈКОВСКИ ДОБИЈА ОСЛОБОДИТЕЛНИ ПРЕСУДИ ЗА УБИСТВАТА НА МАРИЈАН ТУШЕВСКИ И КИРО ЈАНЕВ ВО 2001 Г.
Кривичниот суд денеска донесе ослободнителна пресуда за поголемиот дел од обвинетите во случајот „Ровер“, односно судот одлучи дека Љубе Бошкоски, Зоран Трајковски, Сашко Јовановски, Ивица Ристиќ, Гоце Митревски и Никола Негриевски не се виновни за убиството на Маријан Тушевски и Киро Јанев во 2001 година, јавува Фокус.
Осудителна пресуда сепак добија тројца обвинети српски државјани, Предраг Чубрило, Милан Илиќ и Милорад Ковачевиќ, кои беа осудени на доживотен затвор. Ослободителна пресуда доби четвртиот српски државјанин Вук Вукичевиќ.
-Фактичката состојба е утврдена. Во 2001 имало тепачки меѓу Маријан Тушевски и Орце Коруновски, по што Коруновски ангажирал странски државјани за да го ликвидираат Тушевски, рече судијата Илија Танев.
