Румен Радев: Независноста е придобивка на оние што се достојни за неа

Бугарскиот премиер Румен Радев упати честитка по повод 22 Септември – Денот на независноста на Бугарија, нагласувајќи дека независноста бара одговорност, единство и постојани напори за нејзино зачувување.

„На 22 септември 1908 година нашите предци ја прогласија Бугарија за независна држава и ја вратија во семејството на суверените европски земји“, наведува Радев во честитката.

Според него, водачите на нова Бугарија, откако земјата ја надминала вазалната зависност од Отоманската Империја, ја исполниле историската мисија за целосно обновување на бугарската државност.

„Бугарија ја зеде својата судбина во свои раце и не се поколеба да ја брани својата независност во годините на искушенија, од странски мешања, во војните за национално обединување што следуваа, во името на својата иднина“, истакнува премиерот.

Радев посочува дека независноста не е само историско достигнување, туку подразбира и постојана одговорност.

„Независноста е придобивка на оние што се достојни за неа и бара свесна одговорност, единство и секојдневни дела за нејзино зацврстување“, наведува тој.

„Честит празник!“, порачува Радев на крајот од честитката по повод Денот на независноста на Бугарија.