Бугарското воено воздухопловство ќе биде домаќин на меѓународна воена обука
Бугарското воено воздухопловство од 28 септември до 8 октомври ќе биде домаќин на меѓународната обука „Европски курс за усовршување на тактичката подготовка на военотранспортната авијација 2026-3“ (ETAP-C 26-3).
Планираните летови ќе се изведуваат од аеродромот во Пловдив, а во обуката ќе учествуваат воени воздухоплови кои ќе извршуваат задачи во привремено резервирани делови од воздушниот простор на Бугарија.
Активностите ќе се одвиваат во реоните на аеродромите Пловдив, Безмер и Долна Митрополија, како и над централна и јужна Бугарија.
