Меѓународна конференција за аутизмот ќе се одржи на 9 и 10 ноември во Софија
На 9 и 10 ноември, во Софискиот универзитет „Св. Климент Охридски“ во Бугарија, ќе се одржи меѓународната конференција „Спектри на аутизмот: интердисциплинарни перспективи и научни пристапи“, соопштија организаторите од Факултетот за образовни науки и уметности.
Конференцијата ќе биде отворена денеска во свечената сала на Ректоратот на универзитетот, а за меѓународните сесии е овозможено и онлајн учество.
Форумот ќе обедини стручњаци, истражувачи и практичари од различни области, со цел размена на знаења и искуства за подобро разбирање и поддршка на лицата од аутистичниот спектар.
Според организаторите, на конференцијата ќе бидат претставени научни истражувања, иновативни практики и интердисциплинарни пристапи насочени кон развивање поефикасни модели на поддршка.
Факултетот за образовни науки и уметности, кој е организатор на настанот, е основан во 1983 година и денес опфаќа седум катедри од областа на образованието, логопедијата, социјалната педагогија и уметностите.
