Бугарија ќе исплати по 8.000 евра помош на семејствата на загинатите во несреќите на автопатот „Тракија“
Бугарската влада донесе одлука за исплата на еднократна помош од 8.000 евра за семејствата и наследниците на загинатите во тешките сообраќајни несреќи на автопатот „Тракија“, што се случија вчера, 10 ноември. Одлуката ја соопшти министерката за труд и социјална политика Наталија Ефремова, во изјава за новинарите по денешната владина седница, јави БТА.
Според Ефремова, помошта ќе се исплаќа преку надлежните служби за социјална помош, а средствата ќе бидат обезбедени како вонредни расходи во буџетот на Министерството за труд и социјална политика.
Се очекува исплатата да започне во рок од неколку дена, откако ќе бидат утврдени семејствата на загинатите и нивните адреси.
Министерката појасни дека финансиската помош е наменета за покривање на првичните потреби на семејствата по трагедијата.
