Градоначалникот на Сливен, Бугарија, предлага по 2.000 евра помош за семејствата на четворицата загинати од Самуилово
Градоначалникот на Сливен, Бугарија, Стефан Радев, поднесува предлог до Општинскиот совет за еднократна финансиска поддршка за семејствата на четворицата жители на селото Самуилово кои загинаа во тешката верижна сообраќајна несреќа на автопатот „Тракија“ на 10 ноември, соопшти Општина Сливен.
Предлогот предвидува на наследниците на секој од загинатите да им бидат доделени по 2.000 евра.
„Средствата се наменети да им помогнат на блиските во тешкиот момент, вклучително и за покривање на трошоците за погребите и нивните секојдневни потреби“, се наведува во соопштението.
Предлогот е дополнителна точка на дневниот ред и треба да биде разгледан на редовната седница на Општинскиот совет на Сливен на 12 ноември.
