Три бугарски филмови ќе бидат претставени на меѓународниот фестивал за краткометражни филмови во Атина

Три бугарски филмови ќе бидат претставени на 17. издание на меѓународниот фестивал за краткометражни филмови „Балканот без граници“ (Balkans Beyond Borders), кој ќе се одржи од 12 до 16 ноември во Атина, соопшти бугарската амбасада во грчката престолнина, пренесува БТА.

Мотото на годинешното издание е „Насочи го погледот кон невидливото“.

Во фестивалската програма е вклучен филмот „Тетка Васка“ (Auntie Vaska) на режисерката Михаила Заркова, чија проекција ќе се одржи на 14 ноември во 19 часот по локално време.

Вториот филм, „Равенера“ (Ravenera) на режисерот Теодор Ралев, ќе биде прикажан на 15 ноември во 20:45 часот.

Третиот филм е „Кожувот на дедо“ (Grandpa’s Fur) на режисерите Теодор Стоилов и Нели Рајала, чија проекција е закажана за 16 ноември во 19 часот.

Фестивалот ќе се одржи во Грчката кинотека во атинската населба Керамикос.

Бугарската амбасада ги повикува Бугарите во грчката престолнина да ги посетат проекциите и да ги поддржат бугарските филмски творци чии дела се вклучени во годинешната програма на меѓународниот филмски фестивал.