Ученици од бугарското училиште „Димчо Дебелјанов“ во Софија со хуманитарна акција за настраданите во несреќата на автопатот „Тракија“

На Денот на национална жалост, Ученичкиот совет при 134. средно училиште „Димчо Дебелјанов“ во Софија, чија директорка е Весела Палдамова, одлучи да донира 3.000 евра за поддршка на повредените и семејствата на загинатите во верижните сообраќајни несреќи на автопатот „Тракија“ на 10 ноември, јавува 24Часа.

Во несреќите, кои се случија при густа зимска магла и во кои учествуваа 86 возила, загинаа 12 лица, а 51 беа повредени. Десетици повредени и натаму се лекуваат во болниците во Бургас, Софија, Сливен и Јамбол.

Желбата на учениците е да покажат сочувство со болката на погодените и да понудат скромна помош.

Со години учениците, наставниците и родителите редовно учествуваат во собирање средства за различни добротворни цели.

Целата училишна заедница изразува искрено сочувство до семејствата на загинатите и им посакува успешно закрепнување на повредените.