МАНЧЕВСКИ НАЈАВИ ИЗБАЛАНСИРАНО РЕШЕНИЕ НА ВЛАДАТА ЗА ПРОДОЛЖЕНИОТ ВИКЕНД
„Сметам дека работата е во контрола. Од утрешната дебата меѓу КЗБ, Кризниот штаб и Владата ќе биде донесен еден избалансиран пристап за да се спречи бројот на новозаразени и да се нема негативен ефект врз животот на луѓето“, вели министерот за информатичко општество, Дамјан Манчевски во отвореното студио за ТВ 24.
Според него, оваа Влада добро се справи со кризата и тоа посебно се однесува на дневното информирање на граѓаните, за што клучна улога одиграле и медиумите.
„Да потсетиме ние сме меѓу првите што воведовме рестриктивни мерки и први воведовме државен карантин за граѓаните од странство“, вели Манчевски.
