Србија ќе гради руска нуклеарка за да има влијание врз своите соседи

„Изјавата на српскиот претседател Александар Вучиќ дека размислува за изградба на нуклеарна централа и дека веќе се водат разговори со руската државна компанија е всушност тектонско движење од историски и геополитички аспект“, пишува руската провладина агенција РИА Новости, насловен „Русија ќе добие нуклеарна централа во Србија“, пренесува БГНЕС.

Според агенцијата, „во моментов е тешко да се процени длабочината и значењето на овој факт“. Во исто време, агенцијата нагласува дека „на Србија не и е потребна нуклеарна централа“.„Се разбира, Русија не може да работи преку советскиот модел кога сојузниците од Варшавскиот пакт беа преплавувани со пари, но Росатом и Министерството за финансии во Москва ќе дадат предлози што ќе бидат прифатливи за двете страни“, пишува во коментарот.

„На крајот на краиштата, нуклеарната централа не е куќа на компјутерска игра која може да се изгради со притискање на копче. Станува збор за обука на студенти, постојано обучување на кадри, испорака на гориво и негово транспортирање. Рокот на експлоатација на една нуклеарна централа е минимум 50 г. Сведоци сме на историски промени, кога долгорочното политичко влијание не се добива со распоредување на воени бази, туку со изградба на стратешки објекти, кои не само што носат профит на земјата, туку и овозможуваат истата да ја наметне својата волја на соседите. „додава агенцијата, нагласувајќи: „Србија не е првата земја што го сфати тоа и има независност и здрав разум да дојде до вистинскиот заклучок“.

БГНЕС потсетува дека десет години во градот Ниш, во непосредна близина на бугарската граница, се наоѓа „Руско-српскиот хуманитарен центар“. Тој стана главен фактор за притисокот на Москва врз Белград. ЕУ и НАТО постојано велат дека „овој центар нема хуманитарна мисија“. Во исто време, руската страна постојано бара нејзините службеници да добијат дипломатски имунитет.