Финска повторно ќе ја затвори целата граница со Русија поради мигрантите
Финска повторно ќе ја затвори целата граница со Русија за да го запре протокот на баратели на азил, изјави денеска министерката за внатрешни работи на земјата Мари Рантанен, само неколку часа откако Хелсинки стави крај на двонеделното затворање на сите премини меѓу двете земји.
Финските власти тврдат дека неодамнешното зголемување на бројот на баратели на азил кои пристигнуваат преку Русија е оркестриран потег на Москва како одмазда за одлуката на оваа нордиска земја да ја зголеми одбранбената соработка со САД, пренесува Ројтерс.
„Сега тој феномен повторно започна и ќе ја затвориме целата граница“, рече Ратанен во парламентот.
Во ноември повеќе од 700 луѓе без валидни патни документи влегле во Финска преку Русија, поради што Хелсинки ја обвини Москва дека ги насочува мигрантите во Финска.
