АБУЧ објави конкурс за детска рисунка „Мојата бугарска божикна честитка“

Асоцијацијата на бугарските училишта во странство (АБУЧ) упатува креативен предизвик до учениците од бугарските училишта ширум светот, распишувајќи конкурс за цртеж на тема „Мојата бугарска божикна честитка“. Целта на иницијативата е децата, без оглед каде живеат, да го споделат своето чувство за дом, топлина и празничен дух преку уметноста.

Конкурсот има за задача да ги поттикне младите таленти да ја изразат својата поврзаност со бугарските традиции и духот на божиќните празници. Победничката творба, избрана од специјално жири, ќе биде отпечатена како официјална божиќна честитка на АБУЧ за 2025 година. Дополнително, уште десет селектирани цртежи ќе бидат претставени во онлајн постер-изложба на веб-страницата на организацијата, како и во специјален електронски албум.

Крајниот рок за испраќање на творбите е 10 декември 2025 година. Рисунките се испраќаат на e-mail адресата [email protected]
, при што секоја творба треба да се прати во посебна порака. Во насловот на e-mail-от треба да стои:
Конкурс на АБУЧ „Моята българска коледна картичка“ – име на училиштето.

Во содржината на пораката потребно е да се наведат: името и возраста на ученикот, името на наставникот кој го координира учеството, како и државата и населено место од кое се испраќа творбата.