Адмирал Ефтимов: Нема присуство на руски воени бродови во бугарската економска зона во Црното Море
Во моментов во бугарската економска зона во Црното Море нема присуство на руски воени бродови. Ова го потврди началникот на одбраната на Бугарија, адмирал Емил Ефтимов во Сливен, кој заедно со министерот за одбрана Тодор Тагарев учествуваше во свеченото отворање на реновираното инфективно одделение на воената болница, која е огранок на Воената академија во Софија, јавува БНР.
Руските сили се повлекоа по превентивните акции на бугарската морнарица и НАТО, коментира адмирал Ефтимов:
„Го зголемивме надзорот на овие поморски простори, потоа беа преземени мерки во колективен формат, односно прашањето беше покренато на ниво на НАТО за да добиеме поддршка на ниво на ситуациона информираност. Оттогаш не забележавме влез на руски бродови и пристапување кон зоната. Тоа го потврдувам во овој момент“, вели адмирал Ефтимов.
