Бачковскиот манастир домаќин на јубилеен иконографски собор

Во Бачковскиот манастир е во тек ХХ јубилеен иконографски собор, кој ќе трае до 30 август, а во рамките на настанот беше отворена и годишната изложба на Бугарското иконографско здружение, јавува БГНЕС.

Програмата опфаќа богата уметничка и образовна содржина. На посетителите ќе им биде претставена кратка историја на глиптиката, древната техника на гравирање на скапоцени и полускапоцени камења, со демонстрација на традиционалните методи на изработка.

Посебно внимание ќе привлечат гостите од Грузија – Михаил Парулова и Екатерина Квитианти – кои ќе одржат демонстрации за изработка на клеточен емајл. Публиката ќе има можност да го следи целиот процес: од првичната скица, преку нанесувањето на емајлот, печењето и полирањето, сѐ до финалниот производ, јавува Радио Пловдив.

Глиптиката претставува тивка и трпелива уметност на гравирање во скапоцени камења. Овој метод е познат уште од длабока антика – во Месопотамија и Египет мајстори оставале фини слики и натписи врз камења, кои служеле и за лична идентификација и за ритуални цели. Денес, глиптиката се изучува како дел од археологијата и историјата на уметноста, зачувувајќи го не само техничкото мајсторство, туку и културниот печат на цели цивилизации.