Деканот на Градежниот факултет Горан Марковски влегува во трката за градоначалник на Скопје
Скопје добива нов независен кандидат за градоначалник: деканот на Градежниот факултет, Горан Марковски. Тој ќе настапи со поддршка од граѓанската платформа „Независни заедно“ и иницијативите „Шанса за Центар“, „Зелените од Гази Баба“ и „Групација 389“.
Промотивната прес-конференција е најавена за утре.
Со неговата кандидатура, изборната трка дополнително се заострува. На гласачкото ливче веќе стојат имињата на Орце Ѓорѓиевски (ВМРО-ДПМНЕ), Каја Шукова (СДСМ) и Амар Мециновиќ (Левица).
„Независни заедно“ претходно ја промовираа и кандидатурата на поранешната претседателка на Антикорупциска комисија, Билјана Ивановска, за прв човек на Општина Центар.
