Бугарија и Италија со договор за заеднички воени објекти во Кабиле

Бугарската влада го одобри и го предложи на бугарскиот парламент за ратификација договорот меѓу Бугарија и Италија за заедничка изградба и користење на воени објекти на територијата на воениот реон „Кабиле“, јавува БНР.

Министерот за одбрана Атанас Запрјанов изјави: „Овој договор е по примерот на договорот меѓу Бугарија и Соединетите Американски Држави, со кој се изградени заедничките објекти што ги користиме со САД, како Ново село и ‘Граф Игнатиево’. Тоа ќе овозможи со помали финансиски средства да постигнеме поголеми резултати, оптимално распределувајќи ги обврските меѓу двете држави“.

Владата одобри и инвестиционен трошок за „Набавка на крајбрежен противбродски ракетен систем“ за Воено-морските сили од САД. Проектот, вреден 210 милиони долари, исто така треба да биде одобрен од парламентот.

„Договорот е влада-влада според веќе познатата шема. Главните плаќања ќе бидат во 2029–2030 година. Оваа одлука е уште еден проект за модернизација на бугарската армија, кој е надвор од проектот ‘Сејф’“, изјави министерот Атанас Запрјанов.