Бугарија ќе добие 1,3 милиони дози од адаптираната вакцина за новиот тип КОВИД-19
Комитетот за лекови за хумана употреба на Европската агенција за лекови (ЕМА) препорача да се даде одобрение за ставање во промет за адаптирана вакцина против КОВИД-19 чија цел е подваријантата XBB.1.5, соопшти Министерството за здравство на Бугарија.
Вакцината е произведена од Pfizer/BioNTech и Бугарија ќе добие 1,3 милиони дози од неа откако ќе биде одобрена за употреба од Европската комисија.
Првата испорака од 80.640 дози е планирана за третата недела од септември. Вакцините што се очекува да пристигнат тогаш се индицирани за употреба кај возрасни и лица на возраст од 12 години и постари.
За последната недела од септември е планирана испорака на педијатриски вакцини наменети за имунизација на деца од 6 месеци до 11 години.
Вакцините ќе продолжат да се поставуваат бесплатно на бугарските граѓани кои тоа ќе го побараат од својот општ лекар, во канцелариите за имунизација на Регионалните здравствени испекторати и во одредени медицински установи.
Дополнителни информации за адаптираната вакцина Comirnaty може да најдете на веб-страницата на Извршната агенција за лекови на Бугарија- bda.bg.
