Бугарија предложи помош на Словенија и Австрија, кои беа погодени од големо невреме и поплави
Бугарија им понуди помош на Словенија и Австрија во врска со големите поплави таму, соопшти прес-службата на бугарската Влада.
Бугарскиот премиер академик Николај Денков разговарал телефонски со австрискиот канцелар Карл Нехамер и со словенечкиот премиер Роберт Голоб.
Нашата земја изразува целосно сочувство и солидарност со двете земји и е подготвена да даде поддршка според потребите на погодените подрачја. Денков изразил пред словенечкиот премиер сочувство на роднините на жртвите од катастрофата.
Поројните дождови предизвикаа катастрофални поплави и штети во централна Европа. Во Словенија загинаа луѓе, а во некои австриски провинции е прогласена вонредна состојба.
