Бугарската серија „Мамник“ прогласена за најдобра серија на меѓународен филмски фестивал во Чешка
Бугарската серија „Мамник“ е прогласена за најдобра серија во категоријата TV/Web Series на меѓународниот филмски фестивал Silver Screen Film Festival во Чешка, соопшти Бугарската национална телевизија (БНТ).
Копродукцијата на БНТ, Falconwing Studio и Global Films претходно беше прогласена за најдобра серија и на фестивали во САД, Швајцарија и Велика Британија, а беше и финалист на фестивалот Cinema Royale: Paris Edition.
„Мамник“ ја раскажува приказната за борбата меѓу човекот и древно зло оживеано од легендите. Криминалната мистерија се развива во 12 епизоди.
Главните улоги на Божана, Лазар, Митко и Камен ги толкуваат Екатерина Лазаревска, Гринго-Богдан Григоров, Маријан Стефанов и Јордан Русин.
Во серијата настапуваат и Владимир Пенев, Ели Скорчева, Атанас Атанасов, Никола Додов, Маријана Крумова и Гаља Александрова.
Покрај БНТ, продуценти на серијата се Магардич Халваџијан и Силвестер Јорданов. Режисер и креативен продуцент е Виктор Божинов, сценариото е на Владислав Тинчев и Димитар Христов-Кевин, директор на фотографија е Антон Бакарски, а музиката е на Петар Дундаков.
