Бугарската заедница во Бостон финансиски го поддржа снимањето на историската серија „Оган во зениците“

Претставници на бугарската заедница во Бостон обезбедија финансиска поддршка за создавањето на нова бугарска играна серија со историска тематика „Оган во зениците“. Продукцијата има за цел да ја претстави животната приказна на познатите бугарски жени Екатерина Каравелова, Дора Габе, Роза Попова, Мара Белчева, Елисавета Консулова-Вазова и Елисавета Багрјана. Вестa ја соопшти Генералниот конзулат на Бугарија во Њујорк преку објава на Фејсбук, поздравувајќи ја иницијативата на дијаспората.

Серијата веќе има обезбедено дел од финансирањето преку Бугарската национална телевизија, но според дипломатското претставништво е потребна дополнителна поддршка за да може автентично да се прикаже историскиот период од првата половина на 20 век. Средствата ќе бидат насочени главно кон изработка на костими, сценографија и реквизит кои ќе ја доловат атмосферата на времето.

Интригантниот наслов „Оган во зениците“ е цитиран од безвременската стихотворба „Заробеничка“ на Дора Габе, која е една од централните личности во серијата.