Бугарскиот амбасадор во Грција предложен за орден поради враќањето на посмртните останки на цар Самуил

Бугарскиот амбасадор во Грција, Веселин Порјазов, ќе биде предложен за највисокото државно одликување – орден „Стара Планина“ од прв степен, за неговиот придонес во враќањето на посмртните останки на цар Самуил во Бугарија, соопшти министерот за култура Евтим Милошев, јавува БНР.

За државни одликувања ќе бидат предложени и проф. д-р Људмил Вагалински и доц. д-р Бони Петрунова. За нив е предвиден орденот „Св. Св. Кирил и Методиј“ со огрлица.

Предлозите ќе бидат доставени до бугарскиот претседател.

Милошев оцени дека враќањето на посмртните останки на цар Самуил е настан од национално значење, остварен по повеќедецениски научни и институционални напори и бугарско-грчка соработка.

Според него, придонесот на тројцата е поврзан со зачувувањето на културно-историското наследство, археологијата и културата.