Бугарскиот премиер акад. Николај Денков ќе учествува во 18-тиот стратешки форум во Блед, Словенија
Во словенечкиот град Блед денеска се отвора дводневниот стратешки форум, 18-ти по ред, кој годинава се одржува под наслов „Солидарност за глобалната иднина“, јавува БТА.
Меѓу најавените учесници се Шарл Мишел, претседател на Европскиот совет, премиерот на Бугарија Николај Денков, Димитар Ковачевски, премиерот на Северна Македонија, Борјана Кристо, претседател на Советот на министри на Босна и Херцеговина, Еди Рама, премиер на Албанија, како и неговите колеги од Хрватска и Косово, Андреј Пленковиќ и Албин Курти.
Словенечкиот премиер Роберт Голоб ќе приреди работен ручек со претседателот на Европскиот совет Шарл Мишел, бугарскиот премиер Николај Денков и хрватскиот премиер Андреј Пленковиќ. Лидерите ќе разговараат за главните приоритети што ќе ги разгледа Европскиот совет до крајот на годината.
