Бугарскиот тенисер Иван Иванов ја освои титулата во јуниорскиот Вимболдон

Бугарија повторно има свој шампион на Вимблдон! 17 години по триумфот на Григор Димитров – 16-годишниот Иван Иванов исто така успеа да победи на турнирот. Тој немаше никакви проблеми во финалето против сензацијата Ронит Карки. Бугаринoт успеа да го затвори мечот за помалку од еден час со резултат 6:2, 6:3, јавува БГНЕС.

Иванов направи серија шест победи за да дојде до успехот. Забележителното е тоа што во серијата на Иван тој не изгуби ниту еден сет од своите противници.

Ова беше прво финале за Бугарија во сингл кај јуниорите по 17 години. Во 2008 година Григор Димитров ги освои Вимблдон и US Open. Моментов можеше да биде уште поимпресивен доколку Александар Василев го елиминираше Карки во полуфиналето.

Иванов е и вкупно шестиот бугарски играч со титула од Гренд слем на ниво „јуниор“. Освен Григор Димитров, такви одличја имаат и трите сестри Малееви, како и Сесил Каратанчева.

Денешното финале беше и прво за Иванов на јуниорски турнир од Гренд слем. Неговиот претходен најдобар резултат беше полуфиналето на Ролан Гарос пред неколку недели. Другата голема вест се очекува да пристигне во понеделник, кога Иванов ќе ја предводи светската ранг-листа за јуниори при нејзиното следно ажурирање.