Бугарските ученици освоија четири медали на Балканската олимпијада по физика

Бугарските ученици освоија еден златен, еден сребрен и два бронзени медали на Осмата Балканска олимпијада по физика, што се одржа во Истанбул, Турција, јавува Актуално.

Златен медал освои Мирослав Драганов од Природно-математичката гимназија „Акад. Никола Обрешков“ во Бургас. Со сребрен медал беше награден Никола Костов од Софиската математичка гимназија, додека бронзени медали освоија Борис Пулев од Националната природно-математичка гимназија и Кирил Момчилов од Софиската математичка гимназија.

Балканската олимпијада по физика е меѓународен натпревар за ученици под 17 години, чија цел е да го поттикне интересот за науката, развојот на младите таленти и соработката меѓу државите во регионот.