Бугарските ученици што добиле медали од државни и меѓународни натпревари ќе влегуваат без испит во високите образовни институции во Бугарија
Бугарскиот парламент конечно одлучи лауреатите и медалистите од меѓународните и државните натпревари и олимпијади, одржани во втората средношколска фаза од нивното образование, да бидат примени во високите образовни институции на Бугарија, надвор од редовното рангирање.
Така, кандидатите студенти со завршено средно образование, кои во годините на учење во втора гимназиска фаза станале лауреати на државни или меѓународни олимпијади или натпревари или се добитници на медали од олимписки, светски и европски првенства, се примаат без испит и надвор од утврдениот годишен број на студенти примени за студирање.
Оваа мерка ќе се применува кога влезниот испит за посакуваната струка од нив одговара на предметот на Олимпијадата, натпреварувањето или шампионската дисциплина, на која победиле или добиле медал.
Лауреат на национална олимпијада или национален натпревар е оној кој е рангиран на прво, второ или трето и/или добил одлична оцена 6,00 во националниот круг на соодветната олимпијада или натпревар.
Лауреат на меѓународна олимпијада или натпревар е лице кое добило златен, сребрен или бронзен медал како учесник во репрезентацијата на Бугарија.
