ДЕЛ ОД УНИФОРМИРАНАТА ПОЛИЦИЈА ДЕНЕСКА ИЗЛЕЗЕ НА ПРОТЕСТ

/

Полицајците ја соблекоа униформата и излегоа на протест. Се собраа пред зградата на МРТВ, дел пешки, а дел со автомобили. Сите со пароли, транспаренти, свирчиња и знамиња тргнаа кон владината зграда на Илинденска.

Синдикатот на полицијата обвинува за притисоци на работните место на своите колеги. Полицајците велат дека повеќе нема да дозволуваат бесправни распределувања. Го потенцираа и стариот познат проблем, а тоа е немањето доволно униформи и останата полициска опрема која им е потребна за извршување на секојдневните работи. Разочарани се од тоа што како синдикат не се вклучени во изработката на реформите во секторот полиција.

Најголемиот дел на протестот беа полицајци, а нив ги поддржаа и колегите од шумската и затворската полиција, војници и пожарникари, а имаше вработени во железницата.



Според синдикалците ова беше предупредувачки протест, а мотото на протестот беше „За ред, за правда, за дисциплина“. Инаку, денешниот протест на полицајците е само еден ден по одбележувањето на Денот на полицијата во Македонија.

Претходна статија

АЛИЈАНСА ЗА АЛБАНЦИТЕ СО РЕАКЦИЈА ЗА СРЕДБАТА ПЕНДАРОВСКИ – МИЦКОСКИ

Следна статија

КАКО ИЗГЛЕДАШЕ ПРВАТА ПРОБА НА ГАРВАНЛИЕВ- МАКЕДОНСКАТА ЕВРОВИЗИСКА ДЕЛЕГАЦИЈА ПРИСТИГНА ВО РОТЕРДАМ

Најново од Вести