Динева: Еден донатор на органи може да спаси до 8 човечки животи
Директорката на бугарската Извршна агенција „Медицински надзор“ Иванка Динева во интервју за Бугарското национално радио даде оцена на Вторите национални спортски игри за трансплантирани лица, што се одржаа минатиот месец во Југозападниот универзитет „Неофит Рилски“ во Благоевград.
„Кога ја презедов функцијата, со свои очи видов колку се радуваат трансплантираните лица, кога се организираат спортски настани“, вели Динева и додава дека така пациентите ги надминуваат и сопствените соништа. Во октомври, кога се одбележува Европскиот ден на донирањето органи, ќе се одржат уште едни игри за трансплантирани лица, а пред тоа ќе има и игри за деца за онкохематолошки заболувања.
„Донирањето органи и трансплантацијата не се само дарување органи, туку се шанса за живот. Еден донатор може да спаси до 8 човечки животи“, вели Динева и додава: „Ова е магија што се случува со помош на лекарите, роднините на донаторите и со помош на Бога“.
