Директно емитување на концерти – дел од есенската програма на ММФ „Варненско лето“
Во септември, Меѓународниот музички фестивал „Варненско лето“ продолжува со модулот „Ренесансна и барокна музика“ и Интернационален симпозиум.
„И оваа година се обидовме да им дадеме можност на познавачите на елегантниот стар звук да ги прошират своите знаења за европскиот музички барок“, сподели уметничкиот директор на фестивалот „Варненско лето“, проф. Марио Хосен и додаде: „За започнување на модулот „Ренесансна и барокна музика“ подготвив исклучително интересна програма, која е резултат на продлабочено проучување и знаење. Заедно со мојот колега Пиеро Барбарески и виолончелистката Лилјана Кехајова ќе ги изведеме сонатите за виолина и басо континуо од двете централни фигури на барокот – Јохан Себастијан Бах и Георг Фридрих Хендл.
Важно е да се забележат и останатите концерти. Како организатори, среќни сме што го имаме ансамблот Modo Antiquo како наш гостин и Фестивалскиот барокен оркестар кој ќе го претстави едно од најзначајните дела на сите времиња – Mecata h moll од Јохан Себастијан Бах со четворица солисти од врвна класа. На чело ќе биде австрискиот диригент Мартин Зигхарт.
Сакам да додадам дека оваа година Меѓународниот симпозиум е посветен на музиката на дунавските земји. Успеавме да станеме центар на атракција за музиколози и предавачи на многу високо ниво, а по нивните разговори ќе има изведби на камерна музика за илустрација на нивните теми, а вечер од 19 часот публиката ќе има можност да посети и други концерти поврзани со темите на предавањата.“
Еве концерти кои ќе имате можност да ги слушате директно на програмата „Христо Ботев“:
Вторник, 10 септември, во 19 часот
Концертен дел од Меѓународниот симпозиум „Музиката на дунавските земји“
Програма:
• Љубомир Пипков: клавирно трио. Во изведба на Адела Ликулеску, Андриј Мурза, Лилјана Кехајова
• Макс Регер – Клавирно трио бр. 1 во б-мол. Во изведба на Наташа Великович, Јозеф Хорват, Александар Гордон-Земцов
• Ричард Штраус: Клавирен квартет во Ц-мол. Во изведба на Адела Ликулеску, Мари Изабел Кропфич, Марта Потулска, Лилјана Кехајова
Четврток, 12 септември, во 19 часот
Концертен дел од барокниот модул со спектакуларната Meca h moll од Јохан Себастијан Бах
Програма: Meca h moll од Јохан Себастијан Бах
Солисти:
• Хедер Њухаус – сопран
• Хермин Хаселбок – алт
• Франц Гуртелшмит – тенор
• Клеменс Сандер – бас
• Фестивалски барокен оркестар
• Камерен хор Preludiu – Voicu Enăchescu, Романија
Диригент на хорот Андреј Станкулеску
Диригент Мартин Зигарт
Петок, 13 септември, во 19 часот
Ансамбл Modo Antiquo, Италија
Програма: Непознати ремек-дела на Антонио Вивалди
Фото: БНР
