Добра вест од Грац: Операцијата на најдобрата бугарска сноубордерка Малена Замфирова поминала успешно
Најдобрата бугарска сноубордерка Малена Замфирова претрпе сложена операција во болница во Грац, која траела повеќе од шест часа и завршила околу 15 часот по локално време, соопшти Бугарската федерација за скијачки спортови, пренесува БГНЕС.
Операцијата траела значително долго поради реконструкцијата на раздробената бутна коска. Карлицата е фиксирана, а се отстранети и надворешните фиксатори кои досега ги стабилизирале карлицата и бутот. Според главниот хирург, интервенцијата поминала многу добро.
Подоцна оваа недела ќе биде извршена дополнителна хируршка процедура во пределот на рамото од друг специјалист.
Денешната операција требало да се изврши уште во петокот, на 6 март, но тогаш здравствените параметри на Малена не дозволиле тоа да се случи.
Како што е познато, таа беше удрена одзади од скијач во ски-центарот Шпиндлерув Млин во Чешка, каде што требаше да настапи во Светскиот куп.
„Сите се молиме Малена брзо да закрепне и наскоро повторно да се врати на патеката таква каква што ја познаваме“, ѝ посакуваат од федерацијата.
